प्रकाशनहरूमा फर्कनुहोस्
शिक्षा ज्योति फैलाऔं
शिक्षा ज्योति फैलाऔं
नेपाली जनको सुयोग्य धरती नेपाल आमाकन ।
शिक्षा ज्योति छरेर यो भुवनका लाला र वाला कन ।।
नेपाली बनका गरीव र धनी सारा सँगैमा बसी ।
पाउन् पढ्न मिलेर साथ सवले हाते र मालो गरी ।।
साथी भाइ मिली दिदी र बहिनी गाउन् खुशीले यहाँ ।
वेँसी खोंच, मदेश, टारि सवका डाँडा र पाखा यहाँ ।।
चारै जात र छत्तीसै थर मिली फूलेर वासून् अव ।
फैलोस् मग्मंग वासना जगभरी शिक्षा लियी झल्मल ।।
शिक्षाको जगमा अनन्त महिमा, यै हो मजाको धन ।
यस्को कीर्ति फिजाउने तिर मिली लागौं सबै सज्जन ।।
पूर्खाको इतिहास लाई सवले हेरौं पछाडी तिर ।
भानू भक्त र मोतीराम अनि ती लक्ष्मी प्रसादै तिर ।।
जस्का काव्ययहा अनन्त महिमा घन्किन्छ डाँडा भरी ।
शिक्षा ज्योति छरौं सखे ! भुवनको यो रम्य धार्ती भरी ।।
लेखकको बारेमा